تدريس مادة الاقتصاد الكلى و الاقتصاد الجزئى للطلبة

تدريس مواد إدارة الأعمال والادارة الاستراتيجية | محمود مقلد لو إنت طالب في كلية تجارة أو إدارة أعمال، أو صاحب مشروع وعايز تطور من فهمك للإدارة ، فأنت في المكان الصح. أنا محمود مقلد، حاصل على ماجستير في إدارة الأعمال بتقدير امتياز، بخبرة أكاديمية وعملية بتمزج بين النظري والتطبيقي. دراستي شملت تحليل الأعمال، الإدارة الاستراتيجية، التسويق، الموارد البشرية، ودراسات الجدوى. اشتغلت على الأرض مع أصحاب مشاريع ومراكز تعليمية، وقدمت استشارات وساعدت في تطوير بيزنسات حقيقية في السوق. إيه اللي هتتعلمه معايا؟ الإدارة الاستراتيجية: إزاي تبني رؤية وخطة طويلة المدى لبيزنسك وتعرف موقعك في السوق. تحليل الأعمال: تفهم السوق، المنافسين، وتحدد فرص التحسين والتوسع. التسويق الاستراتيجي: تبني براند، توصل لعميلك الصح، وتحلل السوق وتعرف تسعر منتجك صح . إدارة المشروعات: من التخطيط للتنفيذ والمتابعة، بأسلوب عملي يناسب السوق المصري والعربي . القيادة واتخاذ القرار: تشتغل على نفسك كقائد وتتعلم تاخد قرارات بزكاء. الهدف مش بس النجاح الأكاديمي، الهدف إنك تبقى فاهم السوق كويس، وتعرف تطبق اللي بتدرسه على مشروعك أو شغلك. لو حابب تتعلم بشكل عملي، بسيط، ومن غير حشو نظري ممل خلينا نبدأ.

"عارف يعني إيه تمتحن في المحاسبة وانت مش فاهم ليه بنكتب القيد أصلاً؟!" بص يا سيدي... المحاسبة المالية مش مادة حفظ أرقام وخلاص، دي طريقة منظمة نفهم بيها: الشركة دي كسبت ولا خسرت؟ صرفت في إيه؟ وكسبت منين؟ في الكورس ده، هنفهم خطوة بخطوة: يعني إيه أصول؟ خصوم؟ رأس مال؟ نعمل قيد إزاي؟ ونطلع ميزانية شكلها محترم؟ وإزاي نعدي الامتحان بدرجة عالية وإحنا فاهمين مش حافظين. لو ركزت معايا، المادة دي مش هتبقى "أرخم مادة"، هتبقى أبسط مادة... وأكتر واحدة ممكن تستخدمها في شغلك بعدين. 💼 ثانيًا: لأصحاب المشاريع "لو أنت مش فاهم مشروعك بيكسب ولا بيخسر... فإنت بتقود وأنت مغمّي!" المحاسبة المالية مش رفاهية... دي خريطة الفلوس في مشروعك. لازم تبقى عارف: دخلت كام؟ صرفت كام؟ مين مديون لك؟ ومين ليه عندك؟ وفي آخر الشهر... المحل كسبان؟ ولا بيصرف من جيبه؟ في الجزء ده، هنعرف إزاي تقرأ القوائم المالية وتفهمها حتى لو مش محاسب، وهنبسط المصطلحات دي عشان تشتغل بيها من أول يوم: "ميزانية – قائمة دخل – تدفقات نقدية – حسابات العملاء – المصروفات الثابتة والمتغيرة" لو عايز تمشي مشروعك صح، لازم تبدأ من الأرقام الصح.

"المادة دي مش صعبة... بس لازم تتفهم صح!" إحنا هندرس الموارد البشرية مش علشان ننجح وبس، لكن علشان نعرف نفكّر زي الـ HR اللي الشركات بتدور عليه. هنعرف مع بعض إزاي بنختار موظف؟ إزاي بنقيّمه؟ إزاي نخلّي الناس تشتغل من غير ما تزهق؟ كل ده بشكل مبسّط، ومن غير حفظ نظري ممل. لو ركّزت في الكورس ده، هتضمن ٣ حاجات: تفهم المادة وتحبها. تجيب فيها تقدير عالي. وتكتشف مجال شُغل ممكن تشتغل فيه بعد التخرج سواء في شركات، بنوك، أو حتى تبدأ بيه شغلك الخاص. الموارد البشرية مش مادة، دي أداة تفهم بيها الناس وتفهم بيها نفسك كمان.

"يعني إيه تسويق؟ إعلان على فيسبوك وخلاص؟" لأ، التسويق الاستراتيجي أعمق بكتير... ده بيسأل: هتبيع إيه؟ لمين؟ وليه؟ وإزاي تخلي الناس تفتكرك قبل ما تفتكر غيرك؟ في الكورس ده، هنفكر زي مديري التسويق الكبار: هنفهم السوق بيتقسم إزاي. نختار الشريحة الصح. ونبني خطة تسويق ما تتركنش في الدرج، لكن تشتغل على أرض الواقع. لو انت طالب، فالكورس ده هيساعدك: تفهم المادة وتنجح فيها بممتاز. وتفهم إزاي الشركات الكبيرة بتفكر وتكسب. ولو عندك مشروع، أو حتى فكرة في دماغك، فده المكان اللي تتعلم فيه إزاي تطلع بيها صح من أول خطوة. التسويق الاستراتيجي مش إعلان... ده شغل دماغ طويل المدى. وده اللي هنعمله مع بعض خطوة بخطوة.